TOShKENT, 16-iyun — Sputnik. O‘zbekiston Mudofaa vazirligi tizimida qator tayinlovlar amalga oshirildi.
Prezidentning tegishli hujjatlariga asosan:
Alisher Narbayev hamda Zairdjon Bazarbayev O‘zbekiston mudofaa vazirining o‘rinbosarlari lavozimlariga tayinlandi.
Bunga qadar Alisher Narbayev Qurolli Kuchlar Bosh shtabi artilleriya boshqarmasi boshlig‘i – artilleriya qo‘mondoni, Zairdjan Bazarbayev esa Mudofaa vazirligi Moddiy-texnik ta’minot bosh boshqarmasi boshlig‘i lavozimida faoliyat yuritgan.
Shuningdek, Farrux Ziyabayev Qurolli Kuchlar Bosh shtabi boshlig‘ining o‘rinbosari – Operativ bosh boshqarmasi boshlig‘i;
Farxodjon Shermatov Qurolli Kuchlar Shimoli-g‘arbiy harbiy okrugi qo‘shinlari qo‘mondoni;
Abdulla Hamrayev Oliy harbiy aviatsiya bilim yurti boshlig‘i lavozimlariga tayinlandi.