TOShKENT, 3-iyun — Sputnik. Toshkentda 7 ta mashina ishtirokida yirik yo‘l-transport hodisasi sodir bo‘ldi. Toshkent shahar IIBB YHXB hodisa sababini o‘rgandi.
Ma’lum qilinishicha, 2-iyun kuni soat 19:00 larda Shayxontohur tumani, Sebzor va Abdulla Qodiriy ko‘chalari kesishmasidagi Ganga avtomobil ko‘prigida aniqlanmagan “Cobalt” avtomobili keskin to‘xtagan. Bu esa yettita bir yo‘nalishda harakatlanayotgan avtomobillar to‘qnashuviga olib kelgan. Ular harakat davomida oraliqdagi masofani saqlamagan. Bu YTHga sabab bo‘lgan.
YTH ishtirokchilari: 38 yoshli Lacetti haydovchisi O.N., 28 yoshli Spark haydovchisi A.M., 24 yoshli Nexia haydovchisi Sh., 43 yoshli Lacetti haydovchisi Turkiya fuqarosi B.T., 34 yoshli Lacetti haydovchisi Z.M., 25 yoshli Toyota haydovchisi S.E., 29 yoshli Malibu haydovchisi S.T.
YTH natijasida tan jarohati olganlar yo‘q. YTHning barcha ishtirokchilariga nisbatan ma’muriy bayonnomalar rasmiylashtirilgan.