TOShKENT, 2-iyun — Sputnik. O‘zbekistonda 16 ta yangi koronavirus holati aniqlandi. Shundan ikkitasi Toshkent shahri Yashnobod tumanidagi aholi orasida aniqlangan.
“2020 yil 2-iyun soat 10:00 holatiga ko‘ra, O‘zbekistonda koronavirus infeksiyasi qayd etilganlar soni 3718 (+16) nafarni tashkil etmoqda”, - deyiladi Sog‘liqni saqlash vazirligi xabarida.
Yangi kasallanish holatlarining 12 tasi Karantin markazidagi fuqarolar orasida aniqlangan. Ularning barchasi Qozog‘iston orqali mamlakatga kirib kelganlar.
2 ta yangi holat Toshkent shahri Yashnobod tumanidagi aholi orasida, qolgan 2 tasi Namangan va Toshkent viloyatlariga xorijdan kirib kelgan xalqaro yuk tashuvchi avtomashina haydovchilarida aniqlangan.
O‘zbekistonda 2859 nafar koronavirusga chalingan fuqarolar sog‘aygan.
Hozirda mamlakatda 844 nafar bemor davolanmoqda. Ulardan 9 nafari og‘ir, 2 nafari esa o‘ta og‘ir ahvolda.