TOShKENT, 31-may — Sputnik. O‘zbekistonda yana 29 ta yangi koronavirus holati aniqlandi.
“2020 yil 31-may soat 17:00 holatiga ko‘ra, O‘zbekistonda koronavirus infeksiyasi qayd etilganlar soni 3583 (+29) nafarni tashkil etmoqda”, - deyilgan Sog‘liqni saqlash vazirligi xabarida.
Yangi aniqlangan kasallanish holatlarining 28 tasi karantin markazidagi fuqarolar orasida, 1 tasi Buxoro viloyatida koronavirusga chalinganlar bilan muloqotda bo‘lib, karantinga olingan fuqaroda aniqlangan.
Ayni paytda mamlakatda 2837 nafar koronavirusga chalingan fuqarolar sog‘aygan. Jami 14 ta o‘lim holati qayd etilgan.