Hindistonda maymun COVID-19 bemorlarining qon namunalarini o‘g‘irlab ketdi

Hindistonning Uttar-Pradesh shtatida maymun to‘dasi COVID-19’ga gumon qilingan bemorlarning qon namunalarini olib ketayotgan laborantga hujum qildi.
Sputnik

TOShKENT, 28-may — Sputnik. Hindistonning Uttar-Pradesh shtatida bir nechta maymun COVID-19’ga gumon qilingan bemorlarning qon namunalarini olib ketayotgan laborantga hujum qildi.

Amerikaliklarga Markaziy Osiyo va Kavkazdagi biolaboratoriyalar nimaga kerak?

Maymunlar uch dona test namunalarini olib, qochib ketishdi. Bu haqda India Today gazetasi xabar qildi.

Hodisa juma kuni Meyeruta tibbiyot kollejida yuz berdi.

Shifokorlar, agar namunalarda koronavirus bo‘lsa, u maymunlarga yuqishi mumkin, deb qo‘rqishmoqda. Shifokorlar, ilgari maymunlar ushbu markazdan turli narsalarni o‘g‘irlashganini ta’kidlashdi.

Hindiston ommaviy axborot vositalarida paydo bo‘lgan videoda maymunlardan biri o‘g‘irlangan namuna to‘plamini chaynayotgani aks etgan.

Shtat politsiyasi maymunlarning COVID-19 bemor qon namunalarini o‘g‘irlaganligini va o‘rmon bo‘limiga xabar bergandan keyin ham maymunlar qo‘lga olinmaganligini tasdiqladi.

Hukumat hodisa yuzasidan tekshiruv boshladi.