TOShKENT, 22-may - Sputnik. AQSh koronavirus qurbonlari xotirasiga uch kunga bayroqlarni tushiradi, deya ma’lum qildi juma kuni mamlakat prezidenti Donald Tramp.
"Men keyingi uch kunga koronavirus tufayli hayot bilan vidolashgan amerikaliklar xotirasiga federal binolar va milliy monumentlardagi barcha bayroqlarni tushiraman", - deb yozgan u Twitterda.
Bundan tashqari, dushanba kuni urushlarda halok bo‘lganlar kunida ham bayroqlar tushiriladi, deb qo‘shimcha qilgan Tramp.
So‘nggi ma’lumotlarga ko‘ra, AQShda koronavirus tufayli 94 ming kishi hayotdan ko‘z yumgan.