TOShKENT, 13-may — Sputnik. Afrika janubidagi Lesotoda koronavirus bilan bog‘liq birinchi holat aniqlandi. Bu haqda RIA Novosti mamlakat Sog‘liqni saqlash vazirligi ma’luotiga asoslangan holda xabar qilmoqda.
Ma’lum qilinishicha, 9-may kuni Janubiy Afrika Respublikasi va Saudiya Arabistonidan mamlakatga kelgan 81 kishi koronavirusga test topshirgan. 12-may kuni olingan test natijalariga ko‘ra ulardan birining testi musbat chiqqan.
Bemor Yaqin Sharqdan ekanligi va unda kasallikning hech qanday alomati yo‘qligi aytilmoqda.
So‘nggi ma’lumotlarga ko‘ra, Afrika mamlakatlarida koronavirus yuqtirib olganlar soni 69 126 nafarga yetgan. Shundan 2 386 nafari vafot etgan.