TOShKENT, 6-may — Sputnik. Habib Nurmagomedovning otasi, Rossiyada xizmat ko‘rsatgan trener Abdulmanap Nurmagomedov Maxachkaladan Moskva kasalxonasiga yotqizish uchun maxsus bortda olib kelindi, deb xabar qildi mahalliy OAV.
Unda pnevmoniya tashxisi qo‘yilgandi. Taxminlarga ko‘ra, u tog‘da kasal bo‘lib qolgan.
Ikki kun davomida u kasalxonaga yotishni xohlamadi, ammo ahvoli yomonlashgandan so‘ng, u koronavirusga shubha bilan Maxachkala tibbiy markaziga yotqizildi.
Nurmagomedovlar oilasining yaqin do‘stlaridan birining so‘zlariga ko‘ra, Abdulmanap sog‘lig‘i yaxshilana boshlangan, ammo 3-may kuni uning ahvoli yomonlashdi va maxsus bort bilan Moskvaga olib kelindi.
Habibning otasi Abdulmanap Nurmagomedov koronavirus testidan o‘tgan, ammo tahlil natijalari ommaga e’lon qilinmadi.