TOShKENT, 27 apr - Sputnik. Ukraina hukumati Chernobil AESi yaqinidagi yong‘in barataraf etilganini xabar qildi.
Ukraina ichki ishlar vaziri Arsen Avakov yong‘in Chernobil AESinning 4-blokidan 1,5 km masofada muvaffaqiyatli bartaraf etilganini xabar qildi. Yong‘in 4-aprel kuni boshlangan edi. Uning sabablari hozircha aniq emas, deb xabar qilmoqda RT.
Eslatib o‘tamiz, bundan 34-yil oldin 1986-yil 26-aprel kuni insoniyat tarixidagi eng yirik texnogen falokatlardan biri sodir bo‘lgan edi. Chernobil AESning 4-energiya bloki portlashi oqibatida radiatsiya yuzlab kilometr masofaga tarqalib, 200 ming metr kvadrat hududi radioaktiv zaharlangan edi.
Texnik nosozlik oqibatida sodir bo‘lgan portlashda 2 kishi qurbon bo‘ldi, 600 nafar stansiya xodimlari yuqori doza nurlanish olib, ulardan 28 nafari bir yil ichida vafot etgan.
Radiatsiya yanada keng tarqalishini oldini olish maqsadida qisqa vaqt ichida AES 4-blokini ustida o‘lchami 200 * 200 metr, balandligi 50 metrdan bo‘lgan temir-beton himoya qubbasi - "Sarkofag" barpo etilgan edi. 2004-2008 yillarda Ukraina tomonidan xalqaro hamjamiyat hamkorligida ushbu himoya qubbasi ustidan yana bir himoya qatlam barpo etilib, himoya qubbasining ishlash muddati yana 100-yilgan uzaytirilgan edi.
Himoya qubbasi ostida yadroviy yonilg‘ining 96 % qolgan. Jumladan 180 tonna uran 235 va 70 ming tonna radiaktiv metal, shisha va beton qoldiqlari. Ularning umumiy radioaktivligi 2 mln kuridan ortiq.