TOShKENT, 12 apr — Sputnik. Favqulodda vaziyatlar vazirligi Kattaqo‘rg‘on shahridagi gaz portlashi yuzasidan qo‘shimcha ma’lumot berdi.
Vazirlik xabariga ko‘ra, hodisa oqibatida 3 kishi halok bo‘lgan, yana 4 kishi turli darajada tan jarohati olgan.
Ma’lum qilinishicha, hodisadan jabrlanganlarning barchasi ushbu uyda istiqomat qilgan.
Dastlabki ma’lumotlarga ko‘ra, hodisaga uyning birinchi qavatidagi kvartirada is gazi sizib chiqishi sabab bo‘lgan.
Samarqand viloyati favqulodda vaziyatlar boshqarmasi va boshqa tuzilmalar xodimlari voqea joyida qutqaruv ishlarini olib bormoqda.
Eslatib o‘tamiz, avvalroq Kattaqo‘rg‘on shahrida ikki qavatli uydagi portlash oqibatida 2 kishi halok bo‘lib, 5 kishi jarohatlangani xabar qilingan edi.