TOShKENT, 28 mar - Sputnik. TATU talabalari kameralar yordamida niqobsiz fuqarolarni aniqlovchi dastur yaratishdi
Talabalar tomonidan yaratilgan ushbu dastur karantin paytida qoidabuzarlarni aniqlash va epidemiya tarqalishining oldini olishga yordam beradi.
Dastur yordamida yo‘llarda o‘rnatilgan kuzatuv kameralari orqali shaxsiy himoya vositasi (niqob)siz haydovchi va yo‘lovchilarni aniqlash mumkin.
O‘zbekiston hukumati maxsus komissiyasi o‘rnatgan tartibga binoan 2020-yil 27-martdan boshlab fuqarolar jamoat joyida shaxsiy himoya vositasi (niqob)siz bo‘lsa, ma’muriy javobgarlikka tortiladi. Ya’ni, bazaviy hisoblash miqdorining besh barobarigacha miqdorda – 1 mln 115 ming so‘m jarima belgilanishi mumkin.
Mazkur tartib avtomobil boshqaruvidagi haydovchilarga nisbatan ham tatbiq etiladi.
Talabalar o‘zlari yaratgan dasturni foydalanish uchun bepul taqdim etish bilan koranavirus infeksiyasi profilaktikasiga hissa qo‘shish niyatida.