TOShKENT, 27 mar — Sputnik. Karantin vaqtida davlat tashkilotida ishlayotgan xodimlarga ish haqlarining yetkazilishi qay tartibda amalga oshirilmoqda?oylik mashlar qanday yetkazib berilmoqda? Sputnik muxbiri ushbu savol bilan Moliya vazirligiga murojaat qildi.
Moliya vazirligi axborot xizmatining ma’lum qilishicha, davlat tashkilotlarida ishlayotgan xodimlarning maoshlari avtomatik tarzda ularning plastik kartochkalariga tushirib berilmoqda.
Nodavlat tashkilotlar xususiy bo‘lganligi uchun, ushbu tashkilotlarda ishlovchi xodimlar va rahbarlar o‘rtasidagi kelishuv, tuzilgan mehnat shartnomasiga asosan ish haqlari naqd yoki kartochka orqali to‘lab beriladi.
Eslatib o‘tamiz, biroz oldin pensiyalarning respublikaning barcha hududlaridagi aholi manzillariga yetkazib berilayotgani haqida xabar bergan edik. Ya’ni 18-martdan boshlab, pensiya to‘lovlari avvalgidek mahalla fuqarolari yig‘ini idoralarida emas, fuqarolarning uylariga borib tarqatilmoqda.