TOShKENT, 23 mar — Sputnik. Toshkent viloyati matbuot xizmati koronavirus infeksiyasining kirib kelishini oldini olish bo‘yicha amalga oshirilayotgan ishlar to‘g‘risida 2020-yil 23-mart kuni holatiga ko‘ra rasmiy ma’lumot berdi.
“23 mart holatiga Toshkent viloyati hududida koronovirus infeksiyasi aniqlangan fuqarolar 9 nafarni tashkil etdi”, - deyilgan xabarda.
Qayd etilishicha, 23-mart kuniga Viloyat yuqumli kasalliklar shifoxonasida 101 nafar bemor bo‘lib, ular muntazam ravishda tibbiy nazoratga olingan
Ayni paytda viloyat bo‘yicha jami 195 nafar terapevt, 131 nafar reanimator, 64 nafar infeksionist, 133 nafar epidemiolog faoliyat olib boradi.
Eslatib o‘tamiz, 23-mart holatiga ko‘ra O‘zbekistonda koronavirus infeksiyasi aniqlanganlarning umumiy soni 46 kishini tashkil etmoqda.