TOShKENT, 19 mar — Sputnik. Farg‘ona viloyati hududida 449 nafar haydovchilar mast holda transport vositasini boshqarganligi aniqlandi. Bu haqda viloyat IIB matbuot xizmati xabar qildi.
Joriy yilning yanvar oyida 203 nafar, fevral oyida 167 nafar va mart oyida 79 nafar, jami 449 nafar haydovchilar tomonidan mast holda transport vositasini boshqarish holatlari aniqlangan.
Ta’kidlanishicha, barcha haydovchilarga nisbatan ma’muriy bayonnomalar rasmiylashtirilgan va ularning transport vositalari jarima maydonchasiga joylashtirilgan.
Eslatib o‘tamiz, O‘zbekiston Ma’muriy javobgarlik to‘g‘risidagi kodeksning 131-moddasida transport vositalarini mast holda boshqarish transport vositasini boshqarish huquqidan bir yilu olti oydan uch yilgacha muddatga mahrum qilinib, BHMning 25 baravari miqdorida (5,57 mln so‘m) jarima solishga sabab bo‘linishi belgilangan.