TOShKENT, 13 mar — Sputnik. Joriy yilning mart oyi yakuniga qadar Toshkent – Urganch – Toshkent yo‘nalishida qo‘shimcha poyezdlar qatnovi yo‘lga qo‘yiladi. Bu haqda Transport vazirligi axborot xizmati ma’lum qilmoqda.
Ushbu yo‘nalishlardagi 556/555-raqamli qo‘shimcha poyezdlar qatnovi yo‘lovchilarga yanada ko‘proq qulaylik yaratish maqsadida yo‘lga qo‘yilmoqda.
Harakat jadvaliga ko‘ra, Toshkent – Urganch yo‘nalishida harakatlanadigan 556-raqamli yo‘lovchi poyezdi joriy yilning 20-23 mart kunlari soat 14: 40 da "Toshkent-Janubiy" temir yo‘l vokzalidan jo‘naydi.
Urganch – Toshkent yo‘nalishida harakatlanadigan 555-raqamli yo‘lovchi poyezdi esa 22-24 mart kunlari soat 11:26 da Urganch temir yo‘l vokzalidan harakatlanadi.