TOShKENT, 9 mar - Sputnik. O‘zbekistonda jazoni o‘tash muassasalaridan 50 metr masofada balandligi olti metrdan yuqori bo‘lgan baland binolar qurilishi taqiqlandi.
Bu haqda 5-mart kuni qabul qilingan hukumat qarorida ko‘zda tutilgan.
Jazoni o‘tash muassasalariga quyidagilar kiradi:
- koloniyalar (shu jumladan tarbiya koloniyalari);
- qamoqxonalar;
- mahkumlar uchun ixtisoslashgan kasalxonalar.
Shuningdek, yangi qoidalarga ko‘ra, 2020-2024 yillarda qamoqxonalarning barcha turar joy binolari rekonstruksiya qilinadi.
"Ko‘rsatilgan yillarda jami 14 ta koloniyada 60 ta turar joy binolari ularni kubrik tipidagi binolarga almashtirish orqali rekonstruksiya qilinadi. Uchta yangi bino quriladi", - deyiladi qarorda.
Bundan tashqari, ozodlikdan mahrum qilish joylarining barchasida kuzatuv kameralari o‘rnatiladi va barcha xodimlarga shaxsiy kameralar tarqatiladi.
"18 jazoni o‘tash koloniyasi 1833 ta video kuzatuv moslamalari va 36 komplekt shaxsiy videokameralar (bodi-kameralari) bilan jihozlanadi", - deyiladi hujjatda.
Probatsiya xizmati xodimlariga uch mingta elektron bilaguzuklar tarqatiladi.
Qamoqxonalarni qurish va rekonstruksiya qilish, shuningdek, zamonaviy texnik himoya va videokuzatuv vositalarini sotib olish buyurtmachisi sifatida O‘zbekiston Ichki ishlar vazirligi chiqmoqda.