TOShKENT, 13 fev — Sputnik. Joriy yilning 11-fevral kuni Samara-Chimkent yo‘nalishi bo‘ylab harakatlanayotgan va yo‘lovchilari orasida 20 nafar O‘zbekistonlik fuqarosi bo‘lgan avtobus Aqtobe viloyati hududida buzilib qolgan.
TIV xabariga ko‘ra, nosozlikning kelib chiqishiga sovuq ob-havo sharoitida avtobus yonilg‘isining muzlab qolganligi sabab bo‘lgan. Hodisa natijasida hech kim jabrlanmagan.
Shuningdek, joriy yilning 12-fevral kuni Qizil-O‘rda-Pavlodar trassasida, Pavlodar viloyati hududida ichida 19 nafar o‘zbekistonlik yo‘lovchilar bo‘lgan mikroavtobus buzilib, to‘xtab qolgan. Ushbu holatda ham hech kim jabr ko‘rmagan.
Qozog‘iston yo‘l politsiyasi va favqulodda vaziyatlar organlari xodimlarining tezkor yordami bilan transort vositalari ta’mirlanib, o‘z yo‘nalishda davom etgan.
TIV O‘zbekiston fuqarolarini qishda avtomobil transportining boshqa turlari orqali Qozog‘istonga kirish yoki uning hududidan o‘tishda ehtimoliy xatarlarni hisobga olish va tegishli choralarni ko‘rishga chaqirgan.