TOShKENT, 11 fev — Sputnik. Toshkent viloyatining Parkent tumanida ayol bir yigitni pichoqlab qo‘ydi.
Tergov departamenti xabariga ko‘ra, 04-fevral kuni taxminan soat 22:00 larda 28 yoshli M.Sh. ishdan qaytayotgan bo‘lgan. Ko‘cha boshida unga notanish bo‘lgan 22 yoshli A.T. bilan o‘rtalarida o‘zaro kelishmovchilik kelib chiqqan.
Ayol janjal vaqtida yonidagi ochilib yopiladigan pichoq bilan A.T.ning chap tomon ko‘krak sohasiga bir marotaba urib tan jarohati yetkazgan va hodisa joyidan yashiringan.
A.T. esa shifoxonada ko‘rsatilgan tibbiy muolajalarga qaramay vafot etgan.
Mazkur holat yuzasidan M.Sh.ga nisbatan O‘zbekiston Jinoyat kodeksining 104-moddasi 3-qismi “d” bandi (odam o‘limiga sabab bo‘lgan qasddan badanga og‘ir shikast yetkazish) bilan jinoyat ishi qo‘zg‘atilgan. Dastlabki tergov harakatlari olib borilmoqda.