TOShKENT, 10 fev — Sputnik. Samarqandda it kimsasiz daraxtzorga tashlab ketilgan chaqaloqning hayotini qutqarib qoldi. Ushbu haqida “Zamon” telekanali xabar qildi.
“Samarqandda kuchuk chaqaloqning hayonini saqlab qoldi. It yangi tug‘ilgan va tashlab ketilgan chaqaloqni topib uni o‘z egasi yoniga olib keldi. Uning harakatlari barchani hayratda qoldirdi”, - deyilgan xabarda.
Ma’lum bo‘lishicha, 21 yoshli qiz bola yangi tug‘ilgan chaqaloqni kimsasiz daraxtzorga tashlab ketadi. Chaqaloqni it topib olib uni o‘z egasiga olib borib beradi.
Undan so‘ng esa ,chaqaloq zudlik bilan tez yordam shifokorlariga topshirilgan. Ayni damda u shifokorlar nazorati ostida. Bolakay vazni 3,1 kg, hozir o‘rta og‘ir ahvolda, deyilgan xabarda.
Ushbu voqea barchani hayratga qoldirdi. It insonning do‘sti deyishadi. Bo‘lib o‘tgan voqea bunga yaqqol misol bo‘lishi mumkin. It bir inson hayotini saqlab qoldi.
Afsuski kundalik hayotda ba’zan ayrim kishilarning itlarga shafqatsiz munosabatda bo‘lishini ko‘rishimiz mumkin. Aynan Samarqandda o‘tgan yil qarovsiz itlarni maxsus joylarda saqlash o‘rnida, ularni birvarakayiga o‘ldirib yuborish holatlari kuzatilgan edi.