TOShKENT, 26 dek — Sputnik. “Shimoliy oqim-2” gaz quvuri sanksiyalarga qaramasdan qurib bitkaziladi, dedi Rossiya energetika vaziri Aleksandr Novak RBK gazetasiga bergan intervyusida.
“Quvurning 160 kilometrdan ozroq qismini yotqizish qolgan”, - deya eslatdi u.
Shu bilan birga, vazir Shveysariya “Allseas” kompaniyasi loyihaning o‘ziga tegishli qismini oxiriga yetkaza olmaydi deyishga hali erta ekanligini ta’kidladi. Kompaniya AQSh Moliya vazirligidan sanksiyalar bo‘yicha tushuntirish kutmoqda.
20 dekabr kuni AQSh prezidenti Donald Tramp 2020-yil uchun mudofaa budjetini imzoladi, bunda “Shimoliy oqim-2” va “Turk oqimi” gaz quvurlariga qarshi sanksiyalarni qo‘llash nazarda tutilgan.
AQSh pudratchi kompaniyalardan qurilishni darhol to‘xtatishni talab qildi. “Shimoliy oqim-2”ni quvurlarini yotqizish bilan shug‘ullanuvchi “Allseas” kompaniyasi faoliyatini to‘xtatib qo‘ydi.