TOShKENT, 26 dek – Sputnik. 2019-yil 26-dekabr kuni O‘zbekistonda halqali shakldagi Quyosh tutilishi yuz berdi. Shu munosabat bilan O‘zRFA Astronomiya instituti tomonidan yosh olimlar ishtirokidagi seminar tashkil etildi. Bu haqda O‘zRFA axborot xizmati ma’lum qilmoqda.
Qayd etilishicha, Quyosh tutilishi soat 08:00 da boshlanib, 10:06 gacha davom etdi. Soat 9:00 lar atrofida maksimumga ega bo‘lib, Quyosh gardishining uchdan bir qismi to‘silgan.
Ushbu astronomik holat yuzasidan Mirzo Ulug‘bek tumani maktab-internati prezident maktabi o‘qituvchi va o‘quvchilari uchun yosh olimlar ishtirokida seminar tashkil etilgan.
Seminar davomida ushbu astronomik hodisa Mirzo Ulug‘bek maktab-internati binosiga o‘rnatilgan maxsus ekranli zamonaviy teleskop yordamida kuzatilgan. O‘zRFA Astronomiya instituti olimlari tomonidan esa Quyosh va Oy tutilishining asosiy qonunlari, ularning ilmiy-amaliy ahamiyati haqida ma’lumot berilgan.