TOShKENT, 23 dek – Sputnik. O‘zbekiston terma jamoasi va Rossiyaning “Rostov” futbol klubining hujumchisi Eldor Shomurodov “Fox Sport Asia” nashrining qisqa ro‘yxatidan o‘rin oldi va Osiyo-2019 eng yaxshi futbolchisi unvoni uchun kurashadi. Bu haqda “Rostov” klubi matbuot xizmati xabar qildi.
Ro‘yxatdan jami 24 nafar o‘yinchilar o‘rin olgan. Ular orasida Takumi Minamino (“Liverpul”), Son Xin Min (“Tottenhem”), Paulino (“Guanchjou Evergrand”, Xitoy) kabi mashhur futbolchilar va boshqalar bor.
Nomzodlarga Osiyoning yetakchi sport nashrlarining vakillari ovoz berishadi.
Ta’kidlanishicha, ushbu mukofot Osiyo futbol konfederensiyasi tomonidan topshiriladigan Osiyoda Yil futbolchisi mukofoti bilan aloqasi yo‘q.