TOShKENT, 20 dek – Sputnik. Rossiya O‘zbekistonga Mi-35M harbiy vertolotlarni yetkazib berishni boshladi, deb xabar qildi RIA Novosti.
Rossiya va O‘zbekiston mudofaa vazirliklari kelishuvlariga asosan ikki yil davomida O‘zbekistonda umumiy hisobda 12 ta Mi-35M harbiy-transport vertolotlarini yetkazib beriladi.
2019 yil 4-chi chorakda birinchi 4 dona vertolot yetkazib berish rejalashtirilgan.
“Birinchi vertolot O‘zbekiston harbiy qismlardan biriga yetib bordi”, - deb ma’lum qildi agentlik suhbatdoshi.
Harbiy-texnik hamkorlik federal xizmati ma’lumotlariga ko‘ra, Mi-35M vertolotlarini yetkazib berish 2017-yilda O‘zbekiston hukumatiga berilgan davlat eksport krediti asosida amalga oshirilmoqda.
Mi-35M transport va jangovar vertoloti zirhli texnikalarni yo‘q qilish va quruqlikdagi kuchlar bo‘linmalarini zarba berish tomondan qo‘llab-quvvatlash uchun mo‘ljallangan. Zamonaviy yuqori aniqlikdagi qurol-aslahalar bilan jihozlangan va turli ob-havo sharoitida jangovar vazifalarni bajarishga qodir. Mi-35M vertolotlarida harbiy xizmatchilar va texnikani tashish mumkin.