TOShKENT, 12 dek – Sputnik. Rossiya hukumati viza asosida mamlakatga keladigan xorijliklar uchun ishlash uchun ruxsatnomalar bo‘yicha kvotani tasdiqladi. 2020-yilga kvota 105 ming kishini tashkil etdi.
Bu ko‘rsatkich o‘tgan yilga nisbatan chorak qismdan ko‘proqqa kamaydi.
2019 yilda kvota 144,5 ming kishi bo‘lgan, 2018-yil bilan solishtirilganda taxminan 20 foizga kamaytirildi. 2020-yilda ruxsatnomalar soni 27 foizga qisqardi.
“Federatsiya subyektlari takliflari asosida 2020-yilda chet el ishchilarini jalb qilish talabi aniqlandi - 104, 99 ming kishi, bu 2019-yilga belgilangan ehtiyojlarning 72,6 foizini tashkil etadi. Rossiyaga kirish uchun taklifnomalar va chet el fuqarolariga ishlash uchun ruxsatnomalar berish kvotalari bir xil miqdorda belgilandi”, - deyilgan hujjatda.
2019 yil birinchi yarmida Rossiyaga ishlash uchun 2,4 million xorijlik kelgan. Bular asosan MDH fuqarolari. Keluvchilar soni bo‘yicha yetakchi o‘rinda - Tojikiston, O‘zbekiston, Qirg‘iziston, Ukraina va Qozog‘iston fuqarolari.