TOShKENT, 9 noya — Sputnik. Bir guruh shaxslar qalbaki Malayziya pasporti bilan O‘zbekistonga kirishga urinishdi. Bu haqda DXX Chegara qo‘shinlari xabar qilmoqda.
Xabarda qayd etilishicha, 8-noyabr kuni Toshkent xalqaro aeroportida 6 nafar shaxs taqdim etgan Malayziya pasportlari tekshirilgan va qalbaki ekanligi ma’lum bo‘lgan.
Tegishli organ vakillari o‘tkazgan surishtiruv ishlari natijasida ushbu shaxslar aslida Shri-Lanka fuqarolari ekanligi aniqlangan.
Ta’kidlanishicha, ularga nisbatan tegishli choralar ko‘rilgan.
Eslatib o‘tamiz, avvalroq qalbaki pasport bilan O‘zbekistonga kirishga uringan eronliklar qo‘lga tushgani xabar qilingan edi.