TOShKENT, 8 okt - Sputnik. O‘zbekiston prezidenti Shavkat Mirziyoyev yil oxirida Yaponiyaga borishni rejalashtirmoqda. Bu haqida Iqtisodiy va ijtimoiy investitsiya loyihalariga bag‘ishlangan majlisda ma’lum bo‘ldi.
Xabarda aytilishiga ko‘ra, 2019-yil oxirida prezidentning Yaponiyaga tashrifi rejalashtirilgan. Tashrifga tayyorgarlik ko‘rish doirasida Tokio bilan energetika, transport, qishloq xo‘jaligi, xizmat ko‘rsatish sohalariga doir kelishuvlarga erishilgan.
Undan tashqari, kimoviy mahsulotlar ishlab chiqarish, yapon texnologiyalari asosida elektrostansiya qurish, suv tozalash va suv ta’minoti tizimini modernizatsiya qilish, shahar qatnoviga mo‘ljallangan elektrobuslar ishlab chiqarishga oid loyihalar bo‘yicha muzokaralar olib borilmoqda.