TOShKENT, 1 okt – Sputnik. Bugun Yerevanda bo‘lib o‘tayotgan YevroOsiyo Iqtisodiy Ittifoqi davlat rahbarlari sammitida uyushma a’zolari yagona moliya bozori konsepsiyasini tasdiqlashdi, RIA Novosti xabariga asosan.
“Kapitalning erkin harakatlanishi uchun asos yaratildi. Uni amalga oshirish uchun iqtisodni raqamlashtirish kerak. O‘shanda moliya xizmatlari ham rivojlanadi ham hammabop bo‘ladi”, - deb izoh berdi ushbu kelishuvga Belarus prezidenti Aleksandr Lukashenko.
YeOII moliya tizimlarini yagona tizimga keltirish haqidagi dastlabki shartnoma 2016-yilda paydo bo‘lgan edi. O‘shanda YeOII a’zolari bank va sug‘urta sohasida 2025-yilga qadar yagona moliya bozori tashkil qilishga kelishib olishgan edi. Ushbu jarayon YeOII doirasida global integratsiyaning bir qismiga aylanishi kerak.
Eslatib o‘tamiz, YeOII ittifoqi 2015-yilning 1-yanvaridan ishga tushgan. Dastlab unga faqat Rossiya, Belarus va Qozog‘iston a’zo edi, keyinchalik esa Armaniston va Qirg‘iziston ham qo‘shildi.