TOShKENT, 24 sen - Sputnik. O‘zbekiston TIV Rossiyaning Primorye o‘lkasi hududida bo‘lib turgan yoki u yerga bormoqchi bo‘lgan O‘zbekiston fuqarolariga ogohlantirish bilan chiqdi.
O‘zbekistonning Vladivostok shahridagi (Rossiya) Bosh konsulxonasi bergan ma’lumotga ko‘ra, 2020-yilda Primorye o‘lkasi hududida patent asosida ishlaydigan chet ellik ishchilardan transport sohasida foydalanishga taqiq qo‘yiladi.
Tegishli №71-PG-son qaror Gubernator Oleg Kojemako tomonidan 2019-yil 12-sentabr kuni imzolandi.
Hujjatga ko‘ra, chet ellik fuqarolarning shahar ichida va shahar atrofiga qatnaydigan avtobuslar, tramvay, trolleybus va taksi haydovchisi sifatida ishlashlari taqiqlanadi. Sayyohlik va ekskursiya yo‘nalishlari bo‘yicha faoliyat yuritadigan ijaraga olingan avtobus haydovchilari bundan mustasno.
“Shu munosabat bilan Konsullik-huquqiy departamenti Rossiya hududida bo‘lib turgan va Primorye o‘lkasiga borishni rejalashtirayotgan fuqarolarimizga yuqorida ko‘rsatilgan taqiqlarni hisobga olishlarini so‘raydi”, - deyiladi xabarda.
Haydovchi-migrantlar Rossiya qonunchiligida talabchanlik kuchayishiga tayyor bo‘lishlari kerak
Avvalroq Primorye o‘lkasida migrantlarga jamoat transportlarini boshqarish rasman taqiqlanishi haqida xabar bergan edik.