TOShKENT, 10 sen – Sputnik. “Tolibon”* harakati jangarilari Tojikiston bilan chegarasida Taxar provinsiyasida joylashgan Yangi-Kala uyezdini bosib oldi. Tolo News telekanali xabar qildi.
Mahalliy hokimiyat vakili Javad Xijri ta’kidlashicha, toliblar ikki kun avval Yangi-Kala uyezdiga hujum qildi.
“Xavfsizlik kuchlari toliblardan bu uyezdni olib qo‘yishga harakat qilmoqda. Tumanda to‘qnashuvlar davom etmoqda”, - deydi Xijri.
Uning so‘zlariga ko‘ra, “Tolibon” va hukumat kuchlari o‘rtasida to‘qnashuvlarda 28 nafar toliblar o‘ldirildi. Bundan tashqari, toliblar komandiri Mulla Imomuddin ham yo‘q qilindi.
* Rossiyada taqiqlangan terrorchilik tashkilot