TOShKENT, 20 avg – Sputnik. 16-21 sentabr kunlari “Markaz-2019” yirik masshtabdagi strategik qo‘mondonlik-shtab o‘quvlari o‘tkaziladi.
Rossiya Mudofaa vazirligi xabar qilishicha, Qozog‘iston, Xitoy, Pokiston, Tojikiston, Qirg‘iziston va O‘zbekiston harbiy kontingenti qatnashadi.
Rossiya prezidenti matbuot kotibi Dmitriy Peskov Sputnik O‘zbekistonga ma’lum qilishicha, Putin ushbu davlat yetakchilaridan biri bilan mashg‘ulotlarga tashrif buyurishi mumkin. Ular orasida O‘zbekiston prezidenti Shavkat Mirziyoyev ham bor.
“Buni istisno qilib bo‘lmaydi”, - deb javob berdi Peskov.
“Markaz-2019” o‘quvlari Rossiyaning 8 ta poligonida va boshqa davlatlar hududlarida amalga oshiriladi.