TOShKENT, 8 avg – Sputnik. Xorazm viloyati Yangibozor tumani Boshqir sheyx qishlog‘i “Jayxun” MFYda joylashgan “Yuldosh ota Xursandbek” fermer xo‘jaligining dala shiyponidagi molxonasida yong‘in sodir bo‘ldi.
Voqea joyiga yetib borgan 2 ta yong‘in o‘chirish bo‘linmalarining tezkor harakatlari natijasida yong‘in bartaraf etilgan. Yong‘indan molxonaning 80 kv.metr maydoni va 5 bosh qora mol qutqarib qolingan.
“Yong‘in oqibatida molxonaning 40 kv.m maydonda tomi va u yerda saqlangan xashak yonib zararlangan, shuningdek 15 bosh qora mol va 2 ta qo‘y nobud bo‘lgan”, - deyiladi DOXX xabarida.
Tan jarohati olgan va halok bo‘lgan fuqarolar yo‘q. Hozirda yong‘in sababi va moddiy zarar miqdori aniqlanmoqda.