TOShKENT, 24-iyul – Sputnik. O‘zbekiston IIV Qashqadaryo viloyati Kasbi tumani IIB boshlig‘ining fermerlarga nisbatan harakati yuzasidan xizmat tekshiruvi olib borilmoqda.
Bu haqda O‘zbekiston IIV Jamoatchilik va ommaviy axborot vositalari bilan aloqalar boshqarmasi xabar qildi.
Qayd etilishicha, mazkur holat yuzasidan Qashqadaryo viloyati prokuraturasi tomonidan tergovga qadar tekshiruv harakatlari ham o‘tkazilmoqda.
Avvalroq, xususan, “Daryo” nashrida Kasbi tuman IIB boshlig‘i dala seminarida 11 kishiga kishan taqqani, seminarda qatnashmagan fermerga xodim yuborib, tanobini tortmoqchi bo‘lgani haqida maqola chop qilingan edi.