TOShKENT, 15-iyul – Sputnik. Toshkent shahrida bir kunda ikki kishi cho‘kib ketdi.
Toshkent shahar IIBB xabariga ko‘ra, 14-iyul kuni soat 16:32 da Sergeli tumanida 32 yoshli Islom. M. Junariq kanalida cho‘milmoqchi bo‘lgan, ammo kuchli oqimga dosh berolmay, cho‘kib ketgan.
Xuddi shu kuni soat 21:04 lar atrofida Bektemir tumanida 36 yoshli Bekzod X. Toshkent halqa yo‘li yaqinida Chirchiq darosida suzishga qaror qilib, cho‘kib ketgan.
Shu bois, Toshkent shahar IIBB fuqarolarni ochiq suv havzalarida cho‘milish vaqtida ehtiyot bo‘lishga chaqirgan.