TOShKENT, 9-iyul – Sputnik. Bugun Samarqandda ilk bor MDH davlatlarning birinchi turistik yarmarkasi boshlandi, deb xabar qilmoqda Sputnik muxbiri.
Tadbirning asosiy maqsadi – MDH mamlakatlari o‘rtasida qo‘shma turizm loyihalarni sonini orttirish, “hamkorlik va ahil qo‘shnichilik” ruhini qo‘llab-quvvatlashdir,- deyilgan rasmiy xabarda.
Shu bilan birga, mazkur tadbir dasturi “MDH davlatlarida turizm va mintaqaviy hamkorlik: yangi chaqiruvlar va imkoniyatlar” deb nomlangan Halqaro ilmiy-amaliy seminarni ham o‘z ichiga oladi.
Tadbir tashkilotchilari – O‘zbekiston Respublikasi Turizmni rivojlantirish davlat qo‘mitasi, MDH Ijro qo‘mitasi, Tashqi ishlar vazirligi va Samarqand viloyati hokimligi.
Turistik yarmarkada tegishli vazirlik va idoralar, mahalliy hukumat organlari, diplomatik korpuslar vakillari, O‘zbekistonda akkreditatsiyadan o‘tgan xalqaro tashkilotlar, turistik biznes vakillari, shuningdek, mahalliy va chet el OAV vakillari ishtirok etadi.
Eslatib o‘tamiz, MDH turizm kengashining oldingi majlisi 2018-yilning 10-11 avgustida Dushanbeda bo‘lib o‘tgan edi. Ushbu kengash chog‘ida O‘zbekiston Turizmni rivojlantirish qo‘mitasi navbatdag majlisni Samarqandda o‘tkazishni taklif qilgan edi.