TOShKENT, 8-iyul – Sputnik. Harbiy-texnik institut kursantlari Javohir Hasanov va Suxrobjon Elmurodov o‘z xizmat vaqtida olov ichidan hushini yo‘qotgan homilador ayol va 3 nafar fuqaroni olib chiqqan. Bu haqda Milliy gvardiya matbuot xizmati xabar qildi.
Shu bilan birga, Milliy gvardiyaning Buxoro viloyati Qo‘riqlash boshqarmasi xodimi Dadaxon Xo‘jayev Kogon tumanidagi “Bibi Orifa” masjidi hovlisida joylashgan hovuzga oyog‘i sirpanib tushib ketib cho‘kayotgan bolani qutqarib qolganini ham bildirgan.
“Xizmatdoshlariga namuna ko‘rsatgan qahramonlar Milliy gvardiya qo‘mondonligi tomonidan munosib rag‘batlantirildi”, - deyilgan xabarda.