TOShKENT, 18-iyun – Sputnik. Yaqin vaqtlarda Hindiston aholi soni jihatidan Xitoyni ortda qoldiradi. Bu haqda BMTning yangi hisobotida aytilgan.
Hisobotda aytilishicha, 30-yildan keyin 2050-yilga kelib yer umumiy aholisining soni 2 milliardga ko‘payib, rekord ko‘rsatkich 9,7 milliard kishiga yetadi.
Asr oxiriga kelib dunyo aholisi 11 milliardga yetishi mumkin.
Shu bilan biga, o‘sish suratlari sezilarli darajada pasayadi – jahon miqyosida tug‘ilishning pasayishi ko‘p mamlakatlarda kuzatiladi.
Qari kishilarning soni ortadi – 2050-yilga kelib har bir oltinchi odamzod 65 yoshdan katta bo‘ladi.
“Yangi demografik prognozlar 2050-yilgacha jahon aholisi soni o‘sishining teng yarmi 9 mamlakat hisobiga ta’minlanishini ko‘rsatapti, bular: Hindiston, Nigeriya, Pokiston, Kongo Demokratik Respublikasi, Efiopiya, Tanzaniya, Indoneziya, Misr va AQSh”, - deyilgan hisobotda.
BMT ma’lumotlariga ko‘ra, taxminan 2027-yillarga borib Hindiston aholisi soni ko‘pligi bo‘yicha Xitoyni ortda qoldiradi.