TOShKENT, 7-iyun – Sputnik. Toshkentdagi “CENTRAL PARK” madaniyat va istirohat bog‘ida 9-iyun kuni soat 10:00 dan boshlab “Sabantuy-2019” tatar-boshqird xalq bayrami bo‘lib o‘tadi. Bu haqda poytaxt hokimiyati matbuot xizmati xabar qildi.
Xabarda aytilishicha, tadbirda tatar-boshqird madaniy markazlarining madaniy-musiqiy chiqishlari, sport musobaqalari, patriot motosikllari ko‘rgazmasi, turli musobaqalar o‘tkaziladi.
“Musobaqa g‘oliblarini ajoyib sovg‘alar kutmoqda. Bayramga kirish barcha shahrimiz aholisi uchun bepul. Shunday ekan, bayramni o‘tkazib yubormang”, - deyilgan xabarda.