TOShKENT, 3-iyun — Sputnik. Qozog‘iston prezidenti Kasim-Jomart Tokayev “Rossiya 24” telekanaliga bergan intervyusida respublikaning qo‘shnilar borasida omadi kelganini ma’lum qildi.
“Qo‘shnilar borasida omadimiz kelgan deb hisoblayman. Bizning Rossiya, Xitoy Xalq Respublikasi, O‘zbekiston, boshqa O‘rta Osiyo davlatlari kabi qo‘shnilarimiz bor. Lekin, birinchi navbatda, Rossiya va Xitoy haqida gapiradigan bo‘lsak - BMT Xavfsizlik kengashining doimiy a’zolari bo‘lgan ikki buyuk davlat, albatta, omadimiz kelgan. Chunki biz savdo qilish va doimo bir birimiz bilan muloqot qilish imkoniyatiga egamiz”, - dedi Tokayev.
Qozog‘iston va Rossiya o‘rtasidagi munosabatlar haqida gapirar ekan, u mamlakatlar o‘rtasidagi aloqalar "mutlaqo ajralmas" va "uzoq tarixiy o‘tmishga asoslangan" ekanini ta’kidladi, shuningdek, ushbu tarixiy faktni e’tiborsiz qoldirib bo‘lmasligini ma’lum qildi.
Qozog‘istonda muddatdan oldingi saylovlar joriy yilning 9-iyun kuni bo‘lib o‘tadi. Prezidentlikka nomzod sifatida yetti kishi, shu jumladan, Nur Otan partiyasidan ilgari surilgan Tokayev ham ro‘yxatdan o‘tgan.