TOShKENT, 22-may – Sputnik. O‘zbekiston fuqarosi Ozarbayjonning Boku shahrida vafot etdi. Bu haqda TIV matbuot xizmati xabar qildi.
Mamlakatning Ozarbayjondagi Elchixonasi bergan ma’lumotga ko‘ra, 2019-yilning 16-may kuni Toshkent shahridan Boku shahriga kelgan O‘zbekiston fuqarosi Muratov Bahodir Mahamadaminovich, 20.02.1974-yilda tug‘ilgan, 19-may kuni vafot etdi.
“Mahalliy hukumat organlari tomonidan o‘tkazilgan sud-tibbiy ekspertiza natijalariga ko‘ra ma’lum bo‘ldiki, o‘lim o‘tkir yurak yetishmovchiligi oqibatida sodir bo‘lgan”, - deyiladi xabarda.
Konsullik-huquqiy departamenti B.Muratovning qaridoshlarini quyidagi telefon raqamlari orqali murojaat qilishlarini so‘ragan: +99899-860-89-98 (Toshkent shahri), +99450-298-33-11, +99412-497-25-52 (Boku shahri, O‘zbekiston Elchixonasi).
Biroz oldin Xitoyda mamlakat qonunchiligini buzganlik uchun hibsga olingan O‘zbekiston fuqarosiga yordam ko‘rsatilgani xabar qilingan edi.