Ilgariroq Tojikiston prezidenti Emomali Rahmon Afg‘onistonda amerika harbiy kontingenti mavjudligiga qaramay, mintaqadagi ahvol xavf tug‘dirishda davom etayotgani, terroristik uyushmalar dangarilari esa o‘zlarining kattagina guruhlarini mamlakat shimoliga o‘tkazayotgani haqida bayonot qilgan edi.
Sputnik Tojikiston radiosi efirida Klinsevich amerikalik siyosatchilar har doim do‘stlik haqida gapirishlarini ta’kidlab o‘tdi.
"Ammo bu so‘zlar AQSh maxsus xizmatlari destruktiv (zararli) jarayonlar ustida ishlashni to‘xtatganini anglatmaydi. Bu yo‘nalishda ulkan ishlar amalga oshirilmoqda. Ular hammasiga tupurgan, jahondagi jarayonlar qanchalik zararliroq bo‘lsa, boshqa mamlakatlarda, ayniqsa, Rossiyada muammolar ko‘proq bo‘ladi. Ammo ko‘pdan-ko‘p hollarda bizning hamkasblarimiz bu haqda eshitishni unchalik istashmaydi, Markaziy Osiyoning ayrim davlatlari amerikaliklar bilan halol ishlab bo‘lmasligini anglamagan holda u bilan munosabat qurmoqda. G‘arb maxsus xizmatlari zarbasi to‘g‘ridan-to‘g‘ri Markaziy Osiyo davlatlariga qaratilmagan. Bu yerda agar juda ochiq aytadigan bo‘lsak - pirovard maqsad Rossiya uchun muammolar yaratishga, ayniqsa bizning yaqin qo‘shnilarimiz bilan chegarada qiyinchiliklar tug‘dirishga qaratilgan", - deya tushuntirdi Klinsevich.