TOShKENT, 15-may - Sputnik. AQSh davlat kotibi Mayk Pompeo Sochida Rossiya prezidenti Vladimir Putin va tashqi ishlar vaziri Sergey Lavrov bilan olib borgan muzokaralarini ijobiy baholadi. Bu haqda RIA Novosti xabar qildi.
Ta’kidlanishicha, Mayk Pompeo ikki davlat muhim masalalarni hal etishda hamkorlik qilishlari mumkinligini eslatgan.
“Bugungi uchrashuvlar oldinga tashlangan ijobiy odim bo‘ldi. AQSh va Rossiya o‘tmishda muhim xalqaro masalalar bo‘yicha hamkorlik qilishlari mumkinligini namoyon qilishdi. Biz Rossiyani ikki davlat xalqlari manfaatiga mos tarzda hamkorlik qilishga chaqiramiz”, - deb yozgan Pompeo Twitter᾽dagi sahifasida.
AQSh davlat kotibi Mayk Pompeo Sochida Rossiya prezidenti Vladimir Putin va tashqi ishlar vaziri Sergey Lavrov bilan muzokaralar o‘tkazdi. Bu uning Rossiyaga AQSh davlat kotibi sifatidagi ilk tashrifi bo‘ldi. Pompeo ushbu lavozimga 2018-yil mart oyida tayinlangan.