TOShKENT, 9-may - Sputnik. Bundan bir haqta oldin OAVda Rossiya gidrometrologiya universiteti 2-bosqich talabasi, O‘zbekiston fuqarosi M.Yuldashevning qo‘lga olinganligi to‘g‘risida xabarlar paydo bo‘ldi.
TIV bayonotiga ko‘ra, Yuldashev ishlash uchun ruxsatnoma (patent) olmay kechki vaqtda gipermatketda sotuvchi bo‘lib ishlagan. 30-aprel kechasi xaridorga ustaraning qanday ishlashini ko‘rsatayotganda ustara uchi chiqib ketgan va xaridor ko‘ziga tekkan.
Xaridorni kasalxonaga, talabani qo‘lga olib politsiya bo‘limiga olib ketishgan.
Tuman sudida Yuldashevga 5 ming rubl miqdorida jarima belgilash va Rossiya hududidan ma’muriy chiqarib yuborish to‘g‘risida qaror qabul qilingan. Ayni paytda Yuldashevga nisbatan Rossiya Federatsiyasi Jinoyat kodeksi 291-modda 3-bandi (mansabdor shaxsga pora berish) bo‘yicha jinoiy ish ham tekshirilmoqda.
"2-may kuni mazkur vaziyat mamlakatimizning Sankt-Peterburg shahridagi Bosh konsulxonasi tomonidan nazoratga olingan", - deyiladi TIV xabarida.
Konsullik-huquqiy departamenti eslatib o‘tadiki, Rossiyaning Shimoli-g‘arbiy federal okrugi (Arxangelsk viloyati, Kaliningrad viloyati, Kareliya Respublikasi, Komi Respublikasi, Leningrad viloyati, Murmansk viloyati, Nenets avtonom okrugi, Novgorod viloyati, Pskov viloyati, Sankt-Peterburg shahri, Vologoda viloyati) hududida joylashgan.
O‘zbekiston fuqarolari zarur vaziyatlarda respublikaning Sankt-Peterburg shahridagi Bosh konsulxonasiga +7-965-029-41-49 telefon raqami orqali murojaat qilishlari mumkin.