TOShKENT, 4-may – Sputnik. KXDR qisqa masofaga uchadigan raketalarni sinovdan o‘tkazdi, bu haqda RIA Novosti Kiodo agentligiga asosan xabar qildi.
Janubiy koreyalik harbiylarining ma’lumotiga ko‘ra, shanba kuni KXDR raketalar Vonsan shahridan Yapon dengiz tomoniga yo‘llangan va 70 kilometrdan 200 kilometrgacha masofani bosib o‘tgan.
O‘z navbatida, Yaponiya hukumati o‘zining iqtisodiy hududidan hech qanday ballistik raketalar uchishini qayd etmadi.
Pentagon vakili raketalar uchirish faktini tasdiqlay olmasligi va bu xabarlar tekshirishini ma’lum qildi.
Keyinchalik AQSh matbuot kotibi Sara Sanders Oq uy “Shimoliy Koreya harakatlari”dan xabardor ekani va vaziyatni kuzatib borayotganini ta’kidlab o‘tdi.
Janubiy Koreya prezidenti administratsiyasi xavfsizlik xizmatining yuqori amaldorlar ishtirokida tezkor yig‘ilishni tashkil qildi.
Ikki hafta oldin 17-aprel kuni KXDR yangi taktik boshqariladigan raketalarni sinovdan o‘tkazgandi.
“Yangi qurol” sinov jarayonida Shimoliy Koreya yetakchisi Kim Chen In qatnashgan.