TOShKENT, 10 mar — Sputnik. Toshkentda 16 yoshli maktab o‘quvchisi o‘z uyida osilgan holda topildi.
UzNews nashrining ma’lum qilishicha, hodisa 8-mart kuni kunduzi sodir bo‘lgan. Ma’lum bo‘lishicha, 2002-yilda tug‘ilgan, 16 yoshli M.X. poytaxtdagi umumta’lim maktabining 10-sinfida tahsil olgan.
Tergov bilan bog‘liq jarayonlar tufayli maktab raqami va marhumaning shaxsi oshkor etilmagan.
Voyaga yetmagan shaxsning o‘limi tafsilotlari va sabablari hozircha ma’lum emas.