TOShKENT, 7 mar - Sputnik. Rossiyaning Stavropol o‘lkasining Kochubey tumanida yuz bergan yo‘l-transport hodisasida 6 nafar O‘zbekiston fuqarosi halok bo‘lgani haqidagi ma’lumotlarga O‘zbekiston TIV rasmiy bayonot berdi.
“Shu munosabat bilan jabrlanganlarga konsullik-huquqiy yordam ko‘rsatish uchun O‘zbekistonning Rossiyadagi elchixonasi konsullik bo‘limi tezda o‘lka va tuman davlat tuzilmalari vakillari bilan bog‘lanib, YTH qurbonlari orasida O‘zbekiston fuqarolarining yo‘qligi to‘g‘risidagi rasmiy xabar oldi”, -deyiladi xabarda.
Eslatib o‘tamiz, 2019-yil 6-mart kuni xorijiy va mahalliy OAVda Stavropol o‘lkasining Kochubey tumanida yuz bergan yo‘l-transport hodisasida 6 nafar O‘zbekiston fuqarosi halok bo‘lgani haqida ma’lumotlar paydo bo‘lgan edi.