TOShKENT, 5 mar – Sputnik. Toshkent viloyatining Qibray tumanida poyezd temir yo‘lni kesib o‘tayotgan fuqaroni urib yubordi. Bu haqda O‘zbekiston IIV Jamoatchilik va ommaviy axborot vositalari bilan aloqalar boshqarmasi xabar qildi.
Xabarda aytilishiga ko‘ra, 4-mart kuni Toshkent viloyatining Qibray tumanidan o‘tuvchi “Qodriya-Oqqovoq” temir yo‘l bekatlari oralig‘ining 16-km.da yuk poyezdi “Qibray” QFY Birlik ko‘chasida istiqomat qilgan fuqaroni ehtiyotsizligi sabab urib ketgan.
Natijada fuqaro jarohat olib kasalxonaga yotqizilgan va ko‘rsatilgan tibbiy muolajalarga qaramay vafot etgan.