TOShKENT, 1 mar - Sputnik. Qoraqalpog‘iston Respublikasi bojxona boshqarmasi xodimlari tomonidan O‘zbekistonga pnevmatik qurol qismlarini olib kirishga uringan fuqaro aniqlandi.
O‘zbekiston Davlat bojxona qo‘mitasining ma’lum qilishicha, “Qoraqalpog‘iston” temir yo‘l chegara bojxona posti xodimlari tomonidan “Moskva-Toshkent” yo‘lovchi poyezdida fuqaro Yu.S.ning yuklari bojxona ko‘rigidan o‘tkaziladi.
Natijada ushbu shaxs vagon to‘shagiga o‘rab yashirgan holda 7 xil turdagi pnevmatik qurollarning 446 dona qismlarini O‘zbekistonga olib kirishga uringanligi aniqlandi.
Hozirda mazkur holat yuzasidan bojxona tekshiruvlari davom ettirilmoqda.