TOShKENT, 11 fev – Sputnik. Amerikalik olimlar yong‘oq iste’mol qiluvchi kishilar boshqalarga nisbatan kamroq depressiya holatiga tushishlarini aniqlashdi, deb xabar qildi Nplus1.ru.
Qayd etilishicha, tadqiqotda 26 mingdan ziyod kishi ishtirok etadi. Ular qancha yong‘oq va yong‘oqning boshqa turini iste’mol qilishlariga qarab, bir necha guruhga ajratishdi. Olimlar kuniga hech bo‘lmasa 24 gramm yong‘oq iste’mol qilgan kishilar boshqalarga, jumladan, yong‘oqni umuman iste’mol qilmaydiganlarga nisbatan 26 foizga kamroq depressiya holatiga tushishlarini aniqlashdi. Bu, ayniqsa, ayollar o‘rtasida yuqori samara bergani kuzatiladi. Shuningdek, yong‘oqni xush ko‘ruvchilarda kundalik faollik kuzatilgan. Ular o‘zlarini boshqalarga nisbatan harakatchan va g‘ayratli his etishgan.
Depressiya - bu inson asab tizimidagi o‘zgarishlar (kuchli ruhiy zarba, uzoq vaqtgacha ruhiy tushkunlik holatiga tushish) hisoblanadi. Depressiya ruhiy zarba yoki bo‘lib o‘tgan noxush voqealar ta’sirida rivojlanishi mumkin.
Olimlar miyani yoshartirish usulini topishdi
Depressiyaning asosiy belgilari doimiy charchoq hissi, uyqusizlik, kechalari uyg‘onib ketish yoki tong otmasdan uyquning o‘chib ketishi, maqsadsiz harakat qilish, ishga yoki oilaga, umuman normal hayot tarziga bo‘lgan qiziqishning so‘nishi, bo‘lib o‘tgan noxush hodisalarda o‘zini aybdor sezish, vaznning yo‘qolishi yoki aksincha vaznning ortishi kabilar hisoblanadi.