“Men Faqirmamad Najmiddin Tahor viloyati Xo‘jai Xorlikman. U yerda hayotimiz yaxshi edi. o‘zimizning yerimiz, mol-holimiz, uyimiz, ko‘rpa to‘shagimiz – hamma narsamiz bor edi. Ovvora emas edik, lekin toliblar keldi, urush bo‘ldi, biz majbur bo‘lik Qobulga kelishga.
Bu yerda iqtisodimiz zaif, hech narsamiz yo‘q, mana shu hovlida ijaraga turamiz. Mana bu ko‘rpa to‘shaklarni qo‘shnilar berishdi”, - deydi oila boshlig‘i.
"Bu yerda har oy 5000 afg‘oni ijara to‘laymiz. Men mardikor ishlab kuniga 150-200 topaman. Bu yerda hech kim bizning holimizni so‘ramaydi, namozga ham chaqirmaydi. Urush bo‘lmaganda o‘z yerimizga qaytar edik, Qobulda bir kun ham qolmagan bo‘lar edik", - deydi Jumaxon ismli yana bir oila a’zosi.
"Bir akamni toliblar o‘ldirdi. Uning ikkita o‘g‘li bir qizi qoldi. Urush janjal tufayli bir akam Eronga qarab ketdi, yana biri Pokistonga ketdi", - deydi Aziza ismli ayol.
Sputnik tayyorlagan videolavhada Afg‘oniston shimolidan urush tufayli Qobulga majburan ko‘chib kelgan oila a’zolarining hikoyalarini tinglang.