TOShKENT, 28 yanv – Sputnik. AQSh “Tolibon” harakati bilan harbiylarni olib chiqish to‘g‘risidagi bitim loyihasini kelishdi. RIA Novosti New York Times xabariga asosan.
Unga ko‘ra, harbiy to‘qnashuvlarni tugatish va toliblarni Afg‘oniston hukumati bilan muzokaralar evaziga AQSh o‘z harbiylarini hududdan to‘liq olib chiqishi mumkin. Buni AQSh davlat kotibining Afg‘oniston bo‘yicha maxsus vakili Zalmay Xalilzad tasdiqladi.
Bundan avval Reyter agentligi o‘z manbaasiga tayangan holda, Vashinton va “Tolibon” Qatarda bir necha kun davom etgan muzokaralar natijasida Afg‘onistonda 17-yillik qarama-qarshilikni to‘xtatish bo‘yicha dastlabki kelishuvlar erishilganligi ma’lum qilingandi. Buning ortidan Vashington o‘z qo‘shinlarini mamlakat hududidan olib chiqishi mumkin.
Dastlabki hujjat loyihasi Afg‘onistondan 18 oy muddat ichida xorijiy kuchlarni olib chiqilishi va “Al-qoida” va “Islom davlati” terrorchilik guruhlari tomonidan mamlakat hududidan foydalanilmasligi to‘g‘risidagi kafolatlarni o‘z ichiga olgan.